ՀՀ վարչապետ Նիկոլ Փաշինյանը տիկնոջ՝ Աննա Հակոբյանի հետ ծննդյան 91-ամյակի առթիվ այցելել է ԽՍՀՄ ժողովրդական արտիստ, մաեստրո Հովհաննես Չեքիջյանին:
«Արմենպրես»-ի հաղորդմամբ՝ վարչապետ Փաշինյանը շնորհավորել է մաեստրոյին՝ շնորհակալություն հայտնելով նրան բոլոր այն ծառայությունների համար, որ նա մատուցել է մեր ժողովրդին, հայրենիքին: «Համոզված եմ, որ դեռ երկար կշարունակեք այդ ծառայությունը, մանավանդ, որ հիմա, կարծում եմ, որ մշակույթը և դասական մշակույթը նոր պահանջարկ են ստանում»,-ասել է վարչապետն ու մաեստրոյին մաղթել մեծ եռանդ ու առողջություն։
