«Հայաստանի Հանրապետություն» օրաթերթը գրում է.
«Իսպանիան ունի 17 ինքնավար մարզ, որոնցից մի քանիսի բնակչության մեծամասնությունը վաղուց է ցանկանում անկախանալ եւ սեփական պետությունը ստեղծել: Այսօր նման պայքարի մեջ են առավելապես 3 մարզ՝ Կատալոնիան, Բասկոնիան, Գալիցիան: Իմիջիայլոց, Բասկերի երկրի մի մասն էլ Ֆրանսիայում է, եւ Իսպանիայից անկախանալու խնդիրը որպես բասկերի ծրագրի 1-ին մաս կարելի է համարել, որովհետեւ հետագայում, որպես ծրագրի 2-րդ մաս, ֆրանսիական Բասկոնիայի հետ վերամիավորման խնդիրն է առաջ գալու:
Համաձայն Իսպանիայի միասնականության կողմնակիցների տվյալների՝ Կատալոնիայի անկախության օգտին կողմ է եղել ինքնավարության բնակչության 41 տոկոսը, 49 տոկոսը՝ դեմ։ Բայց իրականում այլ էր թվագրությունը (ըստ կատալոնական ընտրական հանձնաժողովի):
Իսպանիայի թագավորը Կատալոնիայի առանձնացումն անընդունելի համարեց: ԵՄ-ն էլ հայտարարեց, թե անկախ Կատալոնիան չի կարող եվրոպական համագործակցության մաս կազմել, որից հետո անկախության հանրաքվեում հաղթած կատալոնացիները հետաձգեցին անկախության հռչակումը:
2018 թ. Կատալոնիայում կրկին բախումներ տեղի ունեցան ոստիկանության ու անջատական ակտիվիստների միջեւ: 2019 թ. կատալոնացիները կրկին անկախության հարց են բարձրացնում: Իսկ 2020 թ. գարնանը կառաջարկվի Կատալոնիայի Սահմանադրության նախագիծը…»:
