Մեծ Բրիտանիայի վարչապետ Բորիս Ջոնսոնը հայտարարել է, որ ահաբեկչական հանցագործությունների համար դատապարտված մարդկանց չպետք է թույլ տրվի վաղաժամ ազատվել: Այս մասին հայտնում է Reuters-ը։ Վարչապետը նման հայտարարություն է արել երեկ Լոնդոնի կամրջի վրա տեղի ունեցած միջադեպից հետո, որը ոստիկանությունը որակեց որպես ահաբեկչական հարձակում:
Հիշեցնենք, որ Լոնդոնի կամրջի վրա անհայտ անձը դանակով հարձակվել էր անցորդների վրա, հարվածել ու վիրավորել մարդկանց: Երկու մարդ ստացած վնասվածքներից մահացել էր: Վնասվածքներ ստացած քաղաքացիները գտնվում են հիվանդանոցում:
Նշվում է, որ հարձակում կատարած 28-ամյա Ուսման Խանը, նախկինում ահաբեկչության համար դատապարտված է եղել, սակայն 2018 թվականին վաղաժամկետ ազատ է արձակվել:
