Լոնդոնի մետրոպոլիտենում օդի աղտոտվածության մակարդակն աշխարհում ամենաբարձրն Է ճանաչվել դրանում այն մանրագույն մասնիկների առկայության պատճառով, որոնց խտությունն առանձին տեղամասերում թույլատրելի ցուցանիշները գերազանցում Է տասնյակ անգամներ: Այդ մասին նոյեմբերի 29-ին հայտնել Է The Times թերթը՝ վկայակոչելով Լոնդոնի Թագավորական քոլեջի ուսումնասիրությունը, տեղեկացնում Է «Արմենպրես»-ը:
Օդում մարդու առողջության համար վնասակար մանր մասնիկների կուտակումը մայրաքաղաքի ստորգետնյա երկաթուղու առանձին գծերում ավելի բարձր Է, քան Պեկինի, Լոս Անջելեսի, Նյու Յորքի, Սեուլի, Սիդնեյի եւ Բարսելոնայի մետրոներում: Այսպես, օդի մեկ խորանարդ մետրում հայտնաբերվել Է միջին հաշվով 302 մկգ նման միկրոտարրերի առկայություն, ինչը 15 անգամ բարձր Է քաղաքի փողոցներում գրանցված մակարդակից: Ընդ որում՝ օդի աղտոտվածության ամենաբարձր մակարդակը գրանցվել Է Victoria ուղեգծին՝ մեկ խորանարդ մետրում՝ 800 մկգ, ինչը 40 անգամ բարձր Է պայմանականորեն թույլատրելի նորմայից:
Լոնդոնի մետրոն ամենահինն Է աշխարհում եւ բացվել Է 1863 թվականին: Այն բաղկացած Է 402 կիլոմետր ընդհանուր երկարություն ունեցող 11 ուղեգծից եւ հաշվում Է 270 կայարան: Օրական դրանից օգտվում Է 2,8 մլն ուղեւոր, հաղորդել Է ՏԱՍՍ-ը:
