Չորեքշաբթի, 20 Նոյեմբեր 2019-ին տեղի ունեցաւ Լիբանանի Տիգրանակերտի Հայրենակցական Միութեան անդամական ընդհանուր ժողովը, Պուրճ Համուտի Հայ Կաթողիկէ Մեսրոպեան բարձրագոյն վարժարանի Ֆարաճեան լսարանին մէջ։ Ժողովին, Միութեան ընթացաւարտ վարչութիւնը ներկայացուց իր եռամեայ գործունէութեան նիւթաբարոյական տեղեկագիրը, որ, յետ քննարկումին, արժանացաւ ժողովականներու դրական գնահատականին։ Անդամական ժողովը ընտրեց նոր վարչութիւն՝ երկամեայ շրջանի մը համար։ Կատարուեցան յառաջիկայ գործունէութեան վերաբերեալ առաջարկներ։
Լիբանանի Տիգրանակերտի Հայրենակցական Միութեան վարչութեան նորընտիր
անդամներն են՝
Կրէկուար Գալուստ (ատենապետ)
Սոնա Մայպալեան Մելքոնեան (փոխ ատենապետ եւ գանձապահ)
Սեդա Սմսարեան Գարաքըլեան (ատենադպրուհի)
Շանթ Գալայճեան (հաշուապահ)
Սեդա Բագրատունի Գուրույեան
Ռաֆֆի Իսահակեան
Տիգրան Տօնապետեան
Սարին Յակոբեան
Նայիրա Պաղտասարեան
Պէյրութ, Լիբանան
21 Նոյեմբեր, 2019
