ՌԴ անվտանգության դաշնային ծառայության սպաները Մոսկվայում ահաբեկչություն են կանխել: Ահաբեկչություն իրականացնելու փորձի մեջ կասկածվողները ձերբակալված են: Այս մասին հաղորդել է ՏԱՍՍ-ը ՝ վկայակոչելով ուժային կառույցներում իր աղբյուրին:
Տելեգրամի «112» ալիքի հաղորդմամբ՝ 30-ամյա Թալանթ Օնուրովը փետրվարից պատրաստվում էր ահաբեկչական հարձակման:
Ասիացի տղամարդը արմատական հայացքների տեր է, հանդես է գալիս «անհավատների դեմ սուրբ պատերազմի»՝ ջիհադի կոչերով: Ինը ամիս շարունակ Օնուրովը փնտրում էր համակիրների, ընտրում էր ահաբեկչական հարձակումն իրականացնելու վայրը և մեթոդը, ուսումնասիրում էր պայթուցիկ սարք ստեղծելու եղանակները:
«OPER Leaked» տելեգրամ ալիքը տեղեկացնում է, որ Օնուրովին ձերբակալել են մի քանի շաբաթ առաջ: Նրա նկատմամբ քրեական գործ է հարուցվել:
