ՀՀ Ազգային ժողովի նախագահ Արարատ Միրզոյանը հոկտեմբերի 31-ին ընդունել է «Բաց կառավարման գործընկերություն» նախաձեռնության գլխավոր գործադիր տնօրեն Սանջեյ Փրադանին:
Ինչպես «Արմենպրես»-ին տեղեկացրին ՀՀ ԱԺ լրատվության և հանրության հետ կապերի վարչությունից, ողջունելով հյուրին՝ ԱԺ նախագահը շեշտել է, որ նրա ղեկավարած կազմակերպության արժեքները լիովին համընկնում են մեր արժեքների հետ, եւ Հայաստանը կիսում է այդ արժեքները:
«Իրավունքի, օրենքի գերակայությունը, կոռուպցիայի դեմ պայքարը սերտորեն կապված են թափանցիկության, հաշվետվողականության հետ, հենց այն սկզբունքներն ու ռազմավարական տեսլականն ենք մենք որդեգրել անցած տարի տեղի ունեցած հեղափոխությունից հետո: Այս իրադարձություններին զուգահեռ Հայաստանում տեղի ունեցավ անցում կառավարման կիսանախագահական համակարգից դեպի խորհրդարանական համակարգ, եւ մենք շատ ուրախ ենք, որ «Բաց կառավարման գործընկերությունը» իր լիազորություններն ընդլայնում է՝ գործադիր ճյուղից բացի փորձելով գործողություններ իրականացնել խորհրդարանական կառավարման ուղղությամբ: Սա իսկապես լիովին համընկնում է մեր մոտեցումների հետ»,- ասել է Արարատ Միրզոյանը: Նա նշել է, որ ՀՀ Ազգային ժողովն արդեն որոշակի քայլեր է իրականացրել այս ուղղությամբ, մասնավորապես, քաղաքացիների առջեւ բացել է խորհրդարանի այգու դռները, այժմ պլանավորում է հիմնել այցելուների կենտրոն, որպեսզի քաղաքացիները կարողանան նաեւ շրջագայություններ անել Ազգային ժողովի տարածքում, ստեղծել ինտերակտիվ վեբ-պորտալ, հիմնադրել անալիտիկ փորձագիտական կենտրոն:
Սանջեյ Փրադանն ընդգծել է, որ Հայաստանը կարեւոր դերակատարություն ունի «Բաց կառավարման գործընկերություն» նախաձեռնությունում, եւ նախաձեռնության 79 երկրների շրջանակում, որպես ժողովրդավարական, տպավորիչ առաջընթաց արձանագրած երկիր: Նա նշել է, որ Թավշյա հեղափոխությունը ՀՀ քաղաքացիների կողմից տրված մեծ ազդակ էր, որն արտահայատում էր երկրում փոփոխություններ իրականացնելու կամքը:Սանջեյ Փրադանը հայտարարել է, որ «Բաց կառավարման գործընկերությունը» պատրաստ է լիովին աջակցել Հայաստանին՝ ժողովրդավարության ճանապարհին: Նա ՀՀ Ազգային ժողովի նախագահին մի շարք առաջարկություններ է ներկայացրել, որոնք կարող են բարձրացնել քաղաքացիների վստահությունը բարեփոխումների նկատմամբ, ինչպես նաեւ պատրաստակամություն է հայտնել աջակցելու հակակոռուպցիոն, տնտեսական, դատական բարեփոխումների ընթացքում:
Արարատ Միրզոյանը շնորհակալություն է հայտնել Սանջեյ Փրադանին՝ բարձր գնահատականի եւ աջակցության համար:
Speaker of Parliament of Armenia Ararat Mirzoyan on October 31 received CEO of the Open Government Partnership (OGP) Sanjay Pradhan, the Parliament told Armenpress.
Speaker Mirzoyan said the OGP values are in full accordance with the Armenian values, and Armenia shares these values. “The rule of law, fight against corruption are closely linked with transparency, accountability, and we adopted just these principles and the strategic vision after the revolution that took place last year. In line with these events, a transition from semi-presidential system to the parliamentary one took place in Armenia, and we are very happy that the Open Government Partnership expands its powers, by also trying to carry out actions in the direction of the parliamentary governance. This really is in full accordance with our approaches”, Speaker Mirzoyan said. He added that the Armenian Parliament has already taken some actions on this path, in particular it opened the doors of its park for the citizens and currently plans to establish a center for visitors so that the citizens can tour in the territory, as well as to establish an analytical expert center.
The OGP CEO said that Armenia plays a key role in the Open Government Partnership initiative and is distinguished among the 79 countries of the initiative as a country that recorded a democratic, an impressive progress. Sanjay Pradhan said the Velvet Revolution was a great signal by the Armenian citizens reflecting the will to make changes in the country. He said the OGP is ready to fully support Arrmenia on the path to democracy.
Speaker Mirzoyan thanked the OGP CEO for the appreciation and support.
