Թագուհի Շահնազարեան (Թագուհի Շահնազարեան-Զարեան, հոկտեմբերի 28, 1887, Կոստանդնուպոլիս, Օսմանեան կայսրութիւն – յունիսի 10, 1962, Հռոմ, Իտալիայ), հայ դաշնակահարուհի։
Ծնած է Կոստանդնուպոլիս: Տեղւոյն «Հայրենիք» օրաթերթի հիմնադիր, մտաւորական եւ հանրային գործիչ Յովհաննէս Շահնազարի եղբօր ընտանիքին մէջ։ Ուսանած է Վենետիկի Պենետէդդոյ Մարչելլոյ երաժշտանոցին մէջ։ Վենետիկ երթալու իր ճամբուն վրայ «Մոնտենեկրօ» նաւին մէջ ծանօթացեր է Կոստան Զարեանին հետ, եւ անոնք ամուսնացեր են։ Վերադառնալով Կ. Պոլիս՝ դասաւանդած է ամերիկեան քոլեճին մէջ, հանդէս եկած է համերգներով։ 1916-1921 բնակած է Իտալիա:
1922ին ընտանիքի հետ հաստատուած է Հայաստան: Երեւանի պետական երաժշտանոցին մէջ դասաւանդած է դաշնամուր եւ երաժշտութեան տեսութիւն։
Հանդէս եկած է նաեւ մենահամերգներով։ 1924ին վերադարձած է Եւրոպա, ունեցած է համերգներ։ Կեանքի վերջին տարիներուն Թագուհին մանրամասն գրի առած է Զարեանի եւ իր համատեղ կեանքի հանգամանալից պատմութիւնը, ինչպէս նաեւ գրողի կեանքի 1930էն ետք ինկած ժամանակի դէպքերուն ու իրադարձութիւններուն։ 1936ին հաստատուած է Հռոմ, ուր մահացած է1962ի յունիսին 10-ին:
