«ԶԱՐԹՕՆՔ», ՊԷՅՐՈՒԹ – Ինչպէս կը նախատեսուէր, Լիբանանի Կեդրոնական Դրամատունը յայտարարեց իր ստեղծած միջոցառման նոր տեսակի մը մասին, որն է ամերիկեան տոլարի պահանջը ճշդուած գինով ապահովել վառելանիւթ, հացահատիկ եւ դեղորայք ներածողներուն համար:
Նշուած արտադրութիւնները ներածողները վերջին շաբաթներուն բարձրաձայնած էին իրենց խնդիրը, որն է արտադրութիւնը ծախել լիբանանեանով եւ ներածել ստիպուիլ ամերիկեան տոլարով, որուն սակը անյստակ է շուկայի վրայ:
Որոշ սահմանափակումներով եւ պայմաններով ստեղծուած օրէնքը պիտի սկսուի գործադրուիլ, որուն իբրեւ հետեւանք ներածող ընկերութիւններ տոլար ձեռք ձգելու դժուարութիւն պիտի չունենան եւ այս պիտի կատարուի անշուշտ պանքային համակարգին միջոցաւ:
