Ուրբաթ, 24. 05. 2024

spot_img

Առաջին Սելֆիից Մինչեւ Ցուցահանդէս (լուսանկարներ, տեսերիզ)

ԶԱՐԱ ՂԱԶԱՐԵԱՆ

«Զարթօնք»ի Աշխատակից

Յովհաննէս Թումանեանի 150-ամեակին  նուիրուած միջոցառումների շղթան  աշխոյժ կերպով դեռ շարունակուում է: Սեպտեմբերի 11-ին գրողի թանգարանում բացուեց «Թումանեանը՝ լուսանկարիչ»  խորագրով ցուցահանդէսը:

Քչերին է յայտնի, որ  Յովհաննէս Թումանեանի նախասիրութիւններից է եղել լուսանկարչութիւնը եւ, որ  գրողը հայ իրականութեան մէջ առաջին ինքնանկարի (selfie) հեղինակն է:

Ցուցահանդէսը բացուել է այս օրերին Հայաստանում անցկացուող, առաջին միջազգային ֆոթոփառատօնի շրջանակներում:

Ցուցահանդեսը թեմատիկ առումով բաժանուած էր երկու մասի:

Առաջին մասում ներկայացուած են Թումանեանի աշխատանքները, իսկ երկրորդ բաժնում ՝ «Արմէնփրես» լրատուական գործակալութեան արխիւային բացառիկ նիւթերն  են Յովհ. Թումանեանի ծննդեան 150-ամեակից։

Լուսանկարներում  ներկայացուած են Թումանեանի՝ իր զաւակներին արած լուսանկարների գեղեցիկ հաւաքածուն, Յովհ․Թումանեանի թագարանի արխիւում պահուող ապակեայ նեկաթիւների նմուշները, ինչպէս նաեւ բանաստեղծի անձնական հաւաքածոյում պահուող բացառիկ շքեղ ֆոթոալպոմներ։

Լուսանկարներից յատկապէս հետաքրքրական է  1914 թուականի գարնանը արուած  մի լուսանկար որում գրողի ընտանիքի բոլոր անդամներն են ճակատագրական մի տարեթիւ, որից  յետոյ ընտանիքի անդամները ցաւօք բաժանուել են:

«Հետաքրքիր է նաեւ Թումանեանի դստեր` Թամարի  լուսանկարը, որում նա այն հագուստով է, որով 1909 թուականին Մետեխի բանտում այցելել էր հօրը: Այդ հագուստի ծալքերի մէջ պահելով` նա տուն էր բերել  «Մի կաթիլ մեղր» ստեղծագործութիւնն ու «Վայրէջք» բանաստեղծութիւնը»- պատմում է  թանգարանի տնօրէն Անի Եղիազարեանը:

Անի Եղիազարյանը  նշեց,որ նպատակ ունեն ցուցադրութիւնը տանել  նաեւ Թումանեանի ծննդավայր՝ Դսեղ:

Իսկ  «Արմէնփրես» լրատուական գործակալութեան տնօրէն Արամ Անանեանը  կարեւորեց  նման բնոյթի միջոցառումների տարածումը նշելով, որ դրանք իւրայատուկ միջավայր են ստեղծում եւս մեկ անգամ ապրեցնելով հին ժառանգութիւնները:

Ցուցահանդէսի ողջ ընթացքը ուղեկցուեցաւ  կենդանի երգով : Ան բաց կը լինի մինչեւ սեպտեմբերի 20-ը, մուտքն ազատ է:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին