«Քաղաքացիական պայմանագիր» կուսակցության շուրջ 2 ժամ ընթացած վարչության նիստից հետո ՀՀ Ազգային ժողովի փոխխոսնակ, կուսակցության վարչության անդամ Ալեն Սիմոնյանը չպատասխանեց լրագրողների հարցերին: «Արմենպրես»-ի փոխանցմամբ՝ նիստից հետո Սիմոնյանն իրեն ուղղված բոլոր հարցերին ի պատասխան նշեց, որ նիստը թողնելու է առանց մեկնաբանության:
«Քաղաքացիական պայմանագիր» կուսակցության վարչության նիստը կայացավ քաղաքական ուժի գրասենյակում: Մինչ այդ նույն վայրում տեղի էր ունեցել Ազգային ժողովի «Իմ քայլը» խմբակցության աշխատանքային քննարկումը:
«Քաղաքացիական պայմանագիր» կուսակցության վարչության նիստին մասնակցում էր նաև ՀՀ վարչապետ, ՔՊ վարչության անդամ Նիկոլ Փաշինյանը:
