ՀՀ Ազգային ժողովի շենքում և բակում ցուցադրվեցին Հայկական միջազգային առաջին լուսանկարչական փառատոնի լուսանկարները: «Արմենպրես»-ի փոխանցմամբ` խորհրդարանի փոխխոսնակ Լենա Նազարյանը հույս հայտնեց, որ նման միջոցառումները Ազգային ժողովում ավելի հաճախակի կդառնան:
«Փառատոնին ներկայացված են 20 երկրի լուսանկարիչների աշխատանքներ: Ազգային ժողովը սիրով համաձայնել է հյուրընկալել, իր հարկի տակ և բակում ցուցադրել պետական գործիչների լուսանկարներ, բնության և մշակութային կոթողների լուսանկարներ: Այս միջոցառումը կարևոր է թե լուսանկարչության, որպես արվեստի ճյուղի հանրահռչակման, և թե Ազգային ժողովը, որպես հանրային տարածք դարձնելու առումով»,- ասաց Նազարյանը:
Հայկական միջազգային առաջին լուսանկարչական փառատոնին մասնակցում ենլուսանկարիչներ 20 երկրից՝ Ճապոնիայից, Դանիայից, Իտալիայից, Ֆրանսիայից, Ռուսաստանից, Բելառուսից, Շվեյցարիայից, ԱՄՆ–ից, ԱՄԷ–ից և այլն: Լուսանկարների 39 տաղավար է լինելու ամբողջ Երևանում: Լուսանկարները ցուցադրվելու են «Զվարթնոց» օդանավակայանից սկսած մինչև Նախագահի նստավայր, դրանք փակցված կլինեն նաևՀովհաննես Թումանյանի թանգարանում, Երևանի մետրոպոլիտենի երկու կայարանում և միշարք այլ վայրերում:
«Արմենպրես»-ը հանդես կգա ցուցադրություններով, և գործընկերներ «Կոնվերս» բանկի ուՀովհաննես Թումանյանի թանգարանի հետ համատեղ իրականացվելու է «ՀովհաննեսԹումանյանի հետահայացը», որը նվիրված կլինի բանաստեղծի 150-ամյակին:
Փառատոնն իրականացվում է Երևանի քաղաքապետարանի հովանու ներքո և տևելու է մեկամիս՝ մինչև սեպտեմբերի 24-ը:
