«ԶԱՐԹՕՆՔ», ՊԷՅՐՈՒԹ -Մարդկային Իրաւանց պաշտպան միջազգային կազմակերպութիւնը լիբանանի կառավարութիւնը մեղադրեց ի տես անոր ձախողութեան լուծելու համար աղբերու հին նոր խնդիրը: Տագնապը այս անգամ Թրիփոլիէն է, ուր նշեալ կազմակերպութիւնը կը կարծէ, որ լուրջ հիւանդութիւններ կրնան ծագիլ աղբերու կուտակումով:
Լիբանանի հարաւը՝ Սայտա նոյնպէս տօնական օրերը անցուց աղբերով շրջապատուած ուր նաեւ անոնց մշակման խնդիրը կը մնայ անլոյծ:
Մեթնի մէջ նոյնպէս, երէկ երեսփոխան Էլիաս Հանքաշ Պուրճ Համուտի աղբավայրէն կոչ ուղղեց կենսոլորտի նախարարին զգուշացնելով անոր ընդարձակման ծրագրին մասին, որ անընդունելի է ըսաւ երեսփոխանը նկատի ունենալով շրջանի ժողովուրդին իրավիճակն ու անյոյս կոչերը:
