«ԶԱՐԹՕՆՔ», ՊԷՅՐՈՒԹ – Յուլիս 30-ին մահացած է Հայաստանի Հանրապետութեան ժողովրդական արտիստ, բեմադրիչ, փրոֆէսըր Երուանդ Ղազանչեան: Այս մասին կը հաղորդէ Armenpress.am-ը՝ վկայակոչելով Ղազանչեանի որդի ՀՀ արուեստի վաստակաւոր գործիչ Յակոբ Ղազանչեանի գրառումը Facebook-ի իր էջին վրայ։
Երուանդ Ղազանչեան ծնած է 1937 Յունիս 2-ին, Երեւան։ Աւարտած է Երեւանի գեղարուեստաթատերական ուսումնարանի դերասանական բաժանմունքը` Վարդան Աճեմեանի լսարանը։ Աշխատած է Երեւանի պատանի հանդիսատեսի, Սունդուկեանի ազգային ակադեմիական, Ղափլանեանի անուան պետական դրամատիկական թատրոնին մէջ։ Յայտնի դերասանուհի Գալեա Նովենցի ամուսինն էր։
Երուանդ Ղազանչեան կը ղեկավարէր Երեւանի Յակոբ Պարոնեանի անուան կատակերգական թատրոնը։
