«ԶԱՐԹՕՆՔ», ՊԷՅՐՈՒԹ –Պորիս Ճոնսըն կը գլխաւորէ Մեծ Բրիտանիոյ Պահպանողականներու կուսակցութիւնը: Յուլիս 24-ին Լոնտոնի նախկին քաղաքապետ ու երկրի նախկին արտգործնախարար Ճոնսըն կը դառնայ Միացեալ Թագաւորութեան նոր վարչապետ:
Ինչպէս կը հաղորդէ «Արմէնփրես»՝ վկայակոչելով բրիտանական լրատուամիջոցները, կառավարութեան ղեկավարի պաշտօնը լքող Թերեզա Մէյն արդէն շնորհաւորած է Ճոնսընը՝ իշխող կուսակցութեան ղեկը ստանձնելու առիթով:
Պորիս Ճոնսընի օգտին քուէարկած է Պահպանողական կուսակցութեան 92 հազար 153 շարքային անդամ, իսկ անոր մրցակիցի՝ Ճերեմի Հանթի օգտին՝ 45 հազար 656: Ճոնսըն կառավարութեան նիստը առաջին անգամ պիտի վարէ Յուլիս 25-ին:
