ՀՀ վարչապետ Նիկոլ Փաշինյանը համոզմունք է հայտնել, որ հեռու չէ այն օրը, երբ կհնչի «Տիկնայք և պարոնայք գեներալներ» արտահայտությունը: «Արմենպրես»-ի փոխանցմամբ` այս մասին Փաշինյանը գրել է հուլիսի 22-ին «Ֆեյսբուք»-ի իր էջում, նշելով, որ Պաշտպանության նախարարությունում ռազմաուսումնական հաստատությունների շրջանավարտների ավարտական վկայականների հանձնման արարողության ընթացքում իր կողմից օգտագործվել է «Տիկնայք և պարոնայք սպաներ» արտահայտությունը:
«Կարծում եմ` այսօր առաջին անգամ Հայաստանի Զինված ուժերի պաշտոնական միջոցառման ժամանակ Հայաստանի ղեկավարի կողմից օգտագործվեց «Տիկնայք և պարոնայք սպաներ» արտահայտությունը: Համոզված եմ՝ հեռու չէ այն օրը, երբ կհնչի նաև «Տիկնայք և պարոնայք գեներալներ»: Ինչպես կանանց դերը բացառիկ էր 2018-ի ոչ բռնի, թավշյա, ժողովրդական հեղափոխության ժամանակ, նույնպես և կանայք բացառիկ դերակատարում պիտի ունենան երջանիկ, ազատ ու հզոր Հայաստանի կերտման գործում՝ զինված ուժերից մինչև արդյունաբերություն, անկախ դատական համակարգից մինչև պետական կառավարում»,- գրել է Փաշինյանը:
Միջոցառման ընթացքում իրենց ավարտական փաստաթղթերն ու սպայական դաշույններըստացան ռազմական ուսումնական հաստատությունների` ՀՀ ՊՆ Վազգեն Սարգսյանի անվանռազմական համալսարանի, ՀՀ ՊՆ մարշալ Արմենակ Խամփերյանցի անվան ռազմականավիացիոն համալսարանի, ԵՊԲՀ ռազմաբժշկական ֆակուլտետի ինտերնատուրայի 244 շրջանավարտներ, ովքեր լեյտենանտի կոչումով իրենց ծառայությունը կշարունակեն հայոցբանակում:
