«ԶԱՐԹՕՆՔ», ՊԷՅՐՈՒԹ – Հայաստանի Հանրապետութեան նախագահ Արմէն Սարգսեան 17 Յուլիսին այցելած է Երեւանի քաղաքապետարան: Քաղաքապետ Հայկ Մարութեան նախագահին ներկայացուցած է Երեւանի զարգացման ուղղուած ընթացիկ ու յառաջիկայ ծրագրերը: Ինչպէս «Արմէնպրես»-ին տեղեկացուցած են Հայաստանի Հանրապետութեան նախագահի աշխատակազմի հասարակայնութեան հետ կապերու վարչութենէն՝ զրուցակիցները մտքեր փոխանակած են մայրաքաղաքի զարգացման հեռանկարներուն շուրջ:
Հանդիպման աւարտին՝ նախագահ Արմէն Սարգսեան զրուցած է նաեւ Երեւանի գլխաւոր ճարտարապետ Արթուր Մեսչեանի հետ:
