«ԶԱՐԹՕՆՔ», ՊԷՅՐՈՒԹ – Շուրջ 320 գնացքներու երթեր չեղարկուած են Սպանիոյ Renfe երկաթուղային գործարկուի աշխատողներու՝ Յուլիս 15-ին սկսած գործադուլի պատճառով: Ինչպէս կը տեղեկացնէ «Արմէնփրես», այդ մասին հաղորդած Է El Pais թերթը:
Գործադուլը, որ պէտք Է աւարտի տեղական ժամանակով 23:00-ին (Երեւանի ժամանակով 01:00-ին), կազմակերպած է Աշխատանքային յանձնաժողովներու արհմիութենական համադաշնութիւնը: Գործադուլը կ’անդրադառնայ մեծ արագութեան գնացքներու, հեռընթաց եւ տարածաշրջանային գնացքներու երթեւեկութեան վրայ: Սպանիոյ իշխանութիւնները երկաթուղային ծառայութիւններուն կը պարտաւորեցնեն, հակառակ գործադուլին, պահպանելու ծառայութիւններու նուազագոյն մակարդակը: Renfe-ի աշխատակիցները կը պահանջեն աշխատատեղերու ստեղծում, աշխատանքային օրուայ կրճատում եւ աշխատավարձի բարձրացում: Այն ուղեւորները, որոնց ծրագիրները խախտուած են գործադուլի պատճառով, անոնց կ’առաջարկուի փոխել կամ վերադարձնել տոմսերը, հաղորդած Է ԹԱՍՍ-ը:
