«ԶԱՐԹՕՆՔ», ՊԷՅՐՈՒԹ –Իսրայէլի վարչապետ Բենիամին Նաթանիահու Կիրակի օր զգուշացուց Հըզպալլայի ղեկավարը, որ որեւէ յարձակման պիտի յաջորդէ «ջախջախիչ» փոխվրէժը, երբ անոր առաջնորդը ըսաւ, որ խումբին հրթիռները կրնան հասնիլ Թել Աւիւ:
«Շաբաթավերջին լսեցինք Նասրալլայի պարծենկոտ յայտարարութիւնը իր յարձակման ծրագրերուն մասին»,- ըսաւ ան կառավարութեան նիստին սկիզբը:
«Յստակեցնելու համար ըսեմ, որ եթէ Հըզպալլան համարձակի Իսրայէլի վրայ յարձակելու սխալը գործել, մենք իրեն եւ Լիբանանին ջախջախիչ ռազմական հարուած պիտի տանք»:
Անցնող Ուրբաթ, հարցազրոյցի մը ընթացքին, սէյիտ Հասան Նասրալլա զգուշացուց, որ Իսրայէլի կողմէն Միջերկրական ծովի ափով՝ ներառեալ Թել Աւիւը՝ «մեր հրթիռներու ծիրին մէջ են»:
Հըզպալլայի ղեկավարը նաեւ ըսաւ, որ Իսրայէլի հակառակորդը՝ Իրանը, «վայրագութեամբ եւ ուժով կրցաւ ռմբակոծել Իսրայէլը», բայց «պատերազմ պիտի չսկսի»:
Անցեալ շաբաթ Նաթանիահուն ըսաւ, որ «Իրան կը սպառնար ոչնչացնել Իսրայէլը» եւ զգուշացուց, որ Իսրայէլի մարտական օդանաւերը «կրնան հասնիլ Մերձաւոր Արեւելքի որեւէ վայր, ներառեալ Իրան»:
