«ԶԱՐԹՕՆՔ», ՊԷՅՐՈՒԹ –Խորհրդարանի նախագահ Նեպիհ Պըրրի, Չորեքշաբթի օր, յաջորդ շաբթուան համար հրաւիրեց օրէնսդիր նիստ` քննարկելու եւ հաստատելու 2019-ի պետական պիւտճէի նախագիծը:
Պըրրի Խորհրդարանին կոչ ըրաւ 16, 17 եւ 18 Յուլիսին նիստ գումարելու:
Խորհրդարանի նախագահը նշեալ որոշման եկաւ, երբ Խորհրդարանի ելեւմուտքի եւ պիւտճէի յանձնաժողովը Երեքշաբթի գիշեր աւարտեց 2019ի պետական պիւտճէի նախագիծին քննարկումը։
Յանձնաժողովը հաւանութիւն տուաւ 2019-ի պիւտճէի նախագիծին՝ ծախսերու կրճատումով 500 միլիառ ԼՈ (330 միլիոն տոլար): Կառավարութեան կողմէն հաստատուած տարբերակին մէջ ծախսերը կազմած են 23 եռիլիոն ԼՈ:
