Հովանաւորութեամբ՝ ՌԱԿ Լիբանանի Շրջանային Վարչութեան, Հայ Մամուլի տարուան առիթով Չորեքշաբթի, 3 Յուլիս 2019ի երեկոյեան ժամը 7:30ին, Թէքէեան Կեդրոնին մէջ ներկայութեամբ հետաքրքրասէր հանրութեան մը, որոնց մէջ կը յատկանշուէր մեծ թիւով երիտասարդներու թիւ մը, «Զարթօնք»ի կազմակերպութեամբ տեղի ունեցաւ Հայաստանի Ազգային Գրադարանի Անցեալի Հարուստ Ժառանգը եւ Ներկայի Հրատապ Յանձնառութիւններ
խորագրով օգտաշատ եւ հետաքրքրական զրոյց-հանդիպումի մը:
Ձեռնարկին ողջոյնի խօսքով հանդէս եկաւ Դոկտ. Անդրանիկ Տագէսեան: Օրուայ գլխաւոր զեկուցողն էր Հայաստանի Ազգային Գրադարանի Տնօրէնի Գիտական Հարցերու Տեղակալ Տիկին Հայկանոյշ Ղազարեան: Ձեռնարկը եզրափակեց Սեւակ Յակոբեան ներկաներուն ներկայացնելով ՌԱԿի ելեկտրոնային գրադարանի ծրագիրը:
Մանրամասնութիւններուն պիտի անդրադառնանք յաջորդիւ:
