«ԶԱՐԹՕՆՔ», ՊԷՅՐՈՒԹ – Լիբանանեան ուժերու առաջնորդ Սամիր Ժաաժաա կոչ ըրած է նախագահ Միշել Աունին՝ միջամտելու եւ փրկելու համաձայնագիրը, որ միացուց երկու ղեկավարներու քաղաքական շարժումները:
«Այս համաձայնութիւնը քեզի կը պատկանի: Թոյլ մի տար, ոեւէ մէկը բճացնէ զայն»,- ըսաւ Ժաաժաա, Հինգշաբթի, ֆրանսական «L’Orient-Le Jour» օրաթերթին տուած հարցազրոյցի մը ընթացքին՝ նախագահին ուղղուած ուղերձով:
Վերջին ամիսներուն, 2016-ի Մաարապի համաձայնագիրը, որ համախմբեց Լիբանանեան ուժերն ու Ազգային Ազատ հոսանքը, Աունի կողմէ հիմնադրուած քրիստոնէական կուսակցութիւնը, կարծես անհաւանական կը թուէր:
Ժաաժաա անցեալ շաբաթ կոչ ըրաւ Աունին ուղղակի միջամտելու արտաքին գործոց նախարար Ժպրան Պասիլին, որուն մեղադրած էր կարգաւորման սպառնալիքով եւ նշանակումներու քրիստոնեաներու բաժինը գրաւելու մէջ։
