«ԶԱՐԹՕՆՔ», ՊԷՅՐՈՒԹ – Առնուազն երկու մարդ վիրաւորուած է Փարիզի արեւմտեան կողմը գտնուող Պրեսթ քաղաքի մէջ տեղի ունեցած հրաձգութեան հետեւանքով: «Արմէնփրես»-ի փոխանցմամբ` այս մասին կը յայտնէ ԹԱՍՍ-ը, յղում կատարելով France Bleu ձայնասփիւռի ընկերութեան:
Աղբիւրին համաձայն, միջադէպը տեղի ունեցած է քաղաքի մզկիթի շրջակայքը, Յունիս 27-ին, Փարիզի ժամանակով 16:30-ին, երբ անյայտ անձը կրակ բացած է: Երկու մարդ լուրջ վնասուածքներով տեղափոխուած են հիւանդանոց: Դէպքի վայրը շրջափակուած է: Կրակ բացող անձը հեռացած է դէպքի վայրէն, ոստիկանութիւնը զինք յայտնաբերելու համար որոնողական աշխատանքներ կ’իրականացնէ:
Արտակարգ դէպքի վերաբերեալ այլ մանրամասնութիւններ դեռ յայտնի չեն:
