«ԶԱՐԹՕՆՔ», ՊԷՅՐՈՒԹ – ԱՄՆ-ի նախագահ Տոնալտ Թրամփ յայտարարած Է, որ ինք Ռուսաստանը Միացեալ Նահանգներու հակառակորդ չի համարեր, բայց կը համարԷ պայմանական հակառակորդ:
Համապատասխան տեսակէտը ան յայտնած Է Յունիս 26-ին Fox Business հեռատեսիլին տուած հարցազրոյցի ընթացքին, այս մասին կը տեղեկացնԷ «Արմէնփրես»:
«Ես Ռուսաստանը հակառակորդ չեմ համարեր, բայց ան պայմանական հակառակորդ Է»,-ըսած Է Միացեալ Նահանգներու ղեկավարը:
«Գերմանիան Ռուսաստանին միլիառաւոր տոլարներ կը վճարէ ուժանիւթի համար: Անոնք Ռուսաստանին միլիառաւոր տոլարներ կու տան եւ, այնուհանդերձ, կ’ենթադրուի, որ մենք պէտք Է պաշտպանենք Գերմանիան: Իսկ Գերմանիան կը հրաժարի վճարել: Անոնք ՆԱԹՕ-ին չեն վճարեր այն, ինչ պէտք Է վճարեն»,-ընդգծած Է ան: «Անոնք միլիառաւոր տոլարներ կը վճարեն պայմանական հակառակորդին, որմէ, ինչպէս կ’ենթադրուի, մենք պէտք Է զիրենք պաշտպանենք»,-աւելցուցած Է ԱՄՆ-ի նախագահը, հաղորդած Է ԹԱՍՍ գործակալութիւնը:
