Յարգելի խմբագիր,
Սրտի գոհունակութեամբ առցանց կ՛ընթերցեմ «Զարթօնք» օրաթերթը, որուն վերջին լուրերուն մէջ կարդացի ձեր աշխատակազմին Ամենայն Հայոց Վեհափառին այցելութեան մասին, որ ոգեւորեց զիս: Շատ հետաքրքրական էր երբ նոյն միջոցին պատահականօրէն կարդացի դարձեալ առցանց զետեղուած «Զարթօնք»-ի 1937-ի Ա. թիւը, որուն մէջ նշմարեցի հօրս՝ Հրանդ Ժամկոչեանի խանութին հետ կապուած ծանուցագիր մը: Այս յայտնաբերումը անհունօրէն ուրախացուց զիս։
Չմոռնամ ըսելու, որ մեծ վայելք մը եղաւ «Զարթօնք»-ի այդ առաջին թիւը ծայրէ ծայր կարդալը։
Շնորհակալութիւն եւ վարձքերնիդ կատար:
ԼԵՒՈՆ ԺԱՄԿՈՉԵԱՆ
Մերիլանտ, ԱՄՆ
