«ԶԱՐԹՕՆՔ», ՊԷՅՐՈՒԹ – ԱՄՆ պետական քարտուղար Մայք Փոմփէոն Գերմանիային կոչ ըրած է աւելի կոշտ վերաբերում ցուցաբերել Հըզպալլայի նկատմամբ, զոր ԱՄՆ-ն անուանած է ահաբեկչական կազմակերպութիւն:
Պեռլինի մէջ ընթացող հինգօրեայ եւրոպական շրջագայութեան ծիրէն ներս կայացած հանդիպումէն ետք՝ Փոմփէոն յոյս յայտնեց, որ Գերմանիան «պիտի հետեւի Բրիտանիոյ օրինակին» եւ աքսորէ Հըզպալլան:
Փետրուարին Միացեալ Թագաւորութիւնը յայտարարեց իր որոշումը Հըզպալլան ամբողջութեամբ աքսորելու մասին. նախապէս միայն անոր «ռազմական» թեւը կը համարուէր ահաբեկչական կազմակերպութիւն:
Գերմանիան, ինչպէս նաեւ անոր Եւրոմիութեան հարեւանները, կապեր կը հաստատեն Հըզպալլայի քաղաքական թեւին հետ, եւ ԵՄ արտաքին քաղաքականութեան ղեկավար Ֆետերիքա Մոկերինին ըսած է, որ ԵՄ դիրքորոշումը չի փոխուիր Միացեալ Նահանգներու որոշման լոյսին տակ:
Փոմփէոյի այցը Գերմանիա նախատեսուած էր Մայիսի սկիզբը, սակայն յետաձգուած էր Իրանի հետ վերջին լարուածութեան լոյսին տակ:
