«ԶԱՐԹՕՆՔ», ՊԷՅՐՈՒԹ – ՀՀ կառավարութեան այսօրուան նիստին որոշուած է Հայաստանի եւ Չինաստանի միջեւ սովորական անձնագիրներ կրող անձերու համար մուտքի արտօնագրի պահանջը փոխադարձաբար վերցնել:
Համաձայնագիրով կը նախատեսուի, որ իւրաքանչիւր կողմի պետութեան վաւեր անձնագիրներ կրող քաղաքացիները միւս կողմի պետութեան տարածք մուտք գործելու եւ դուրս գալու կամ տարանցիկ երթեւեկելու ատեն կ՛ազատուին մուտքի արտօնագրի պահանջէն իրենց մուտք գործելու ամսաթիւէն` մինչեւ 90 օր ժամկէտով` 180 օրուան ընթացքին:
«Կողմերը շահագրգիռ են տարբեր ոլորտներու մէջ համագործակցութիւնը շարունակ խորացնելու հարցով, ինչպէս` միջանձնային շփումներու եւ զբօսաշրջութեան խթանման միջոցով»,- ըսուած է հիմնաւորման մէջ:
Համաձայնագիրը պիտի0 ստորագրուի Չինաստանի արտաքին գործոց նախարարի` յառաջիկային Հայաստան նախատեսուած այցի ժամանակ:
