ՀՀ վարչապետ Նիկոլ Փաշինյանը կարևորում է կառավարության հետ գիտական ու փորձագիտական հանրության մշտական հաղորդակցության մեջ լինելը:
«Արմենպրես»-ի փոխանցմամբ` այս մասին Փաշինյանն ասաց մայիսի 21-ին Գիտությունների ազգային ակադեմիայում «Տնտեսական հեղափոխության հիմնարար ուղենիշերը Հայաստանի Հանրապետությունում» գիտաժողովի ընթացքում:
«Շատ ուրախ եմ, որ այսպիսի գիտաժողով է կազմակերպվել, այսպիսի լուրջ մոտեցմամբ: Մեզ համար շատ կարևոր է, որ Հայաստանի գիտական, փորձագիտական հանրությունն իրեն ներգրավված զգա այն գործընթացներում, որ Հայաստանի Հանրապետությունում այսօր կատարվում են: Կառավարությունը չպետք է լինի մեկուսացված, և գիտական ու փորձագիտական հանրության հետ պետք է լինի մշտական հաղորդակցության մեջ: Ես համոզված եմ, որ այս քննարկման ընթացքում ի հայտ կգան արժեքավոր մտքեր, գաղափարներ, որոնք կիրագործվեն ու ավելի երկարաժամկետ նշանակություն կունենան»,- ասաց Փաշինյանը:
