«ԶԱՐԹՕՆՔ», ՊԷՅՐՈՒԹ – Հիւսիսային Քորէայի առաջնորդ Քիմ Չեն Ըն յայտնած է, որ կը ցանկար մասնակցիլ ԱՄՆ նախագահ Տոնալտ Թրամփի հետ երրորդ գագաթնաժողովին, սակայն միայն այն պարագային, երբ ԱՄՆ ցուցաբերէ «ճիշտ վերաբերում»: «Արմէնպրես»-ի փոխանցմամբ՝ այս մասին կը տեղեկացնէ BBC-ն:
Այս մասին յայտնած է Հիւսիսային Քորէայի պետական լրատուական գործակալութիւնը: Իր ելոյթի մէջ ան կոչ ըրած է Թրամփին կնքել գործարք մը, որ երկու երկիրներու համար արդար եւ երկկողմանի ընդունելի ըլլայ:
Երկու առաջնորդները առաջին անգամ հանդիպած էին Սինկափուրի մէջ անցեալ տարի: Իսկ երկրորդ հանդիպումը Փետրուարին Հանոյի մէջ տապալուած էր:
