«ԶԱՐԹՕՆՔ», ՊԷՅՐՈՒԹ – Բաղրամեան զօրավարժարանէն ներս մեկնարկած է հայ-ռուսական միացեալ զօրախումբի մարտավարական զօրավարժութեան եզրափակիչ` կրակային փուլը:
«Արմէնփրես»-ի փոխանցմամբ` կրակային փուլի անձնակազմը բաղկացած է աւելի քան 1500 զինծառայողէ:
Հայ- ռուսական միացեալ զօրախումբի հրամանատար Տիգրան Փարուանեանի խօսքով` զօրավարժութիւնը կ’իրականցուի առանց ուղղուածութեան:
«Սենար պիտի չըլլայ, չկայ գրած, թէ ինչէն յետոյ ինչ պէտք է ըլլայ: Խնդիրը կը տրուի հրամանատարին, ան պէտք է ղեկավարէ իր զօրքը, եւ ընթացքին տարբեր տեսակի առաջադրանքներ պիտի ստանայ, եւ անոնք նոյնպէս պէտք է կատարէ»,- ըսաւ Փարուանեան:
Նշենք թէ, միացեալ զօրավարժութիւնը սկսած է Ապրիլ 1-ին: