«ԶԱՐԹՕՆՔ», ՊԷՅՐՈՒԹ – Հըզպալլայի առաջնորդ Հասան Նասրալլա, իր պատկերասփռուած ելոյթին մէջ նշեց, որ Հըզպալլա կարող էր միջամուխ ըլլալ Իսրայէլի խորհրդարանական ընտրութիւններուն ընթացքին:
Նասրալլա նաեւ նշեց, որ իրենք որոշած են այդ առումով որեւէ քայլ չկատարել, խնդիրը համարելով իսրայէլեան ներքին խնդիր:
Նասրալլա նաեւ նշեց, որ իրենց համար Նաթանիահուն կամ որեւէ այլ թեկնածու նոյն մօտեցումները ունին, ու շատ հաւանական է, որ անոնք շարունակեն իրենց սիոնական քաղաքականութիւնը:
Նասրալլա նաեւ նշեց, որ Նաթանիահուի ընտրուելէն եւ նոր կառավարութեան կազմութենէն ետք նոր փուլ մը կրնայ սկսիլ մէկ կողմէ նախագահ Թրամփի եւ միւս կողմէ Նաթանիահուի միջեւ, նշելով նաեւ, որ այս առումով Լիբանան նոյնպէս կանգնած է ճակատագրական օրերու առջեւ եւ յառաջիկայ հանգրուանին աւելի յստակ պիտի դառնայ ընդհանուր պատկերը:
Նասրալլա նաեւ կոչ ուղղեց ներքին ճակատին ամրապնդուած մնալ եւ բարձր պահել՝ ժողովուրդ, դիմադրութիւն եւ բանակ սկզբունքները:
