«ԶԱՐԹՕՆՔ», ՊԷՅՐՈՒԹ – Մարոնի եպիսկոպոսներու խորհուրդը դատապարտեց Ամերիկայի Միացեալ Նահանգներու նախագահ Տոնալտ Թրամփի՝ Սուրիոյ Կոլանի բարձրունքները որպէս Իսրայէլի տարածքային ինքնիշխանութիւնը ճանչնալու որոշումը:
Պքերքէի պատրիարքանիստ եկեղեցւոյ մէջ տեղի ունեցած հանդիպումին խորհուրդը նշեց, որ ԱՄՆ-ի որոշումը կը խախտէ միջազգային համաձայնութիւնները եւ կը բացասէ ժողովուրդի՝ իր սեփական հողը պահանջելու օրինական իրաւունքը:
Եպիսկոպոսները աւելցուցին նաեւ, որ Սուրիոյ ճգնաժամի հանգուցալուծումը կը բխի Լիբանանի շահերէն, կոչ ընելով ապահով հայրենադարձութեան՝ առանց վերջինս կապելու Սուրիոյ 8-ամեայ հակամարտութեան քաղաքական լուծումին:
Մարոնի Եպիսկոպոսներու Խորհուրդը Կը Դատապարտէ ԱՄՆ-ի՝ Կոլանի Բարձրունքները Որպէս Իսրայէլի Տարածքային Ինքնիշխանութիւնը Ճանչնալու Որոշումը
