Հայաստան պիտի մասնակցի Իրանի Իսլամական Հանրապետութեան մէջ ջրհեղեղէն տուժածներու օգնութեան: Ինչպէս կը տեղեկացնէ «Արմենփրես»-ը, Մարտ 29-ին ՀՀ կառավարութեան հերթական նիստի ժամանակ այս մասին ըսած է արտակարգ իրավիճակներու նախարար Ֆելիքս Ցոլակեան:
«Կը ցանկանք Իրան ուղարկել մարդասիրական օգնութիւն, որ կը կազմակերպուի ռուս-հայկական մարդասիրական կեդրոնի միջոցով` այնտեղ նաեւ անոնց մասնակցութիւնը պիտի ըլլայ: Պիտի ուղարկուին տեխնիկական միջոցներ, մեքենաներ եւ փրկարարներ»,-ըսած է Ցոլակեան:
Փոխվարչապետ Տիգրան Աւինեան կարեւոր համարած է այս օգնութեան կազմակերպումը բարեկամ երկրի համար:
Մարտ 28-ին նախարար Ֆելիքս Ցոլակեան ընդունած էր Հայաստանի մէջ Իրանի Իսլամական Հանրապետութեան արտակարգ եւ լիազօր դեսպան Սեյետ Քազեմ Սաջատին:
Նախարարը ցաւակցութիւն յայտնած էր նախորդ շաբաթ Իրան պատուհասած ջրհեղեղի կապակցութեամբ եւ պատրաստակամութիւն յայտնած օժանդակելու տուժածներուն:
Հանդիպման աւարտին կողմերը պայմանաւորուած են Իրանի Կարմիր մահիկի միջազգային կազմակերպութեան հետ բանակցիլ` ջրհեղեղէն տուժած մարդոց օժանդակելու համար:
