28 Մարտ 2019-ին, Հայ կաթողիկէ Մեսրոպեան բարձրագոյն վարժարանին մէջ կայացաւ մանուկներու քացղկեղի վերաբերեալ գիտակցութեան զարգացման օր, որուն ընթացքին մեր աշակերտներուն փոխանցուեցան անհրաժեշտ նախնական գիտելիքներ` այս հիւանդութեան կանխանշաններուն եւ ձեռնարկուելիք շտապ քայլերուն մասին:
Նախաձեռնութիւնը տեղի ունեցաւ գործակցաբար Chance (CHildren AgaiNst CancEr) կազմակերպութեան, որուն նպատակն է օժանդակել քաղցկեղով հիւանդ մանուկներուն եւ անոնց հարազատներուն` նիւթապէս եւ բարոյապէս, ինչպէս նաեւ հանրութեան մէջ ընդլայնել իրազեկումը` այս հիւանդութեան վերաբերեալ:
Այս առիթով, Մեսրոպեանի աշակերտները` մանկամսուրէն մինչեւ բարձր դասարաններ եւ արուեստից վարժարան, իրենց դրամական նուէրները փոխանցեցին կազմակերպութեան: Առաւել, նախակրթարանի եւ միջնակարգի աշակերտները ձեռային աշխատանքներով կազմեցին մանուկներու քաղցկեղի դէմ պայքարի խորհրդանիշը, որ տեղադրուեցան դպրոցի ցուցատախտակներէն մէկուն վրայ:
Տեղեկատուական գրասենեակ
Հայ Կաթողիկէ Մեսրոպեան Բարձրագոյն Վարժարանի
