«ԶԱՐԹՕՆՔ», ՊԷՅՐՈՒԹ- Հարաւային Քորէայի զինուորականները Հիւսիսային Քորէայի մէջ միջուկային ծրագիրին հետ կապուած աշխուժութիւն կ’արձանագրեն: Ինչպէս Մարտ 19-ին յայտնած է «KBS» հեռուստաալիքը, այդ մասին յայտարարած է Քորէայի Հանրապետութեան ազգային պաշտպանութեան նախարար Չոն Կիոն Տուն խորհրդարանի պաշտպանութեան հարցերու կոմիտէի՝ Մարտ 18-ին կայացած նիստին, կը հաղորդէ «Արմէնփրես»-ը:
«Կոմիտէի անդամ, Քորէայի ազատութեան կուսակցութենէն պատգամաւոր Փեք Սին Չժուն նախարարին հարց տուած է, թէ Հիւսիսի մէջ աշխուժութիւն կը նկատուի՞ արդեօք զինագործական աթոմի ոլորտին մէջ: Նախարարը դրական պատասխանած է»,- նշած է հեռուստաալիքը՝ չճշդելով, թէ ստոյգ ի՛նչ գործունէութեան մասին է խօսքը, հաղորդած է «ԹԱՍՍ»-ը: