Հայ Մամուլի Տարուան Առիթով
Մեծի Տանն Կիլիկիոյ Արամ Ա․ Հայրապետին կողմէ «2019․ Հայ Մամուլի տարի» հռչակուելուն առիթով, հինգշաբթի, 14 Մարտ 2019-ին, յետմիջօրէի ժամը 5։00-ին, Լիբանանի Հայոց Առաջնորդ Գերշ․ Տ․ Նարեկ Արքեպիսկոպոս Ազգային Առաջնորդարանին մէջ ընդունեց լիբանանահայ երեք օրաթերթերու տնօրէնները՝ «Ազդակ»-էն Պրն․ Շահան Գանտահարեանը, «Զարթօնք»-էն պրն․ Սեւակ Յակոբեանը եւ «Արարատ»-էն տիկին Անի Եփրեմեանը։
Այս առիթով, Առաջնորդ Սրբազանը ժողովականներուն հետ քննարկեց հայ մամուլի տարուան առիթով շարք մը նախաձեռութիւններուն կարելիութիւնները։ Հետագային պիտի մշակուի համապատասխան ծրագիր եւ հաղորդագրութեամբ մը մանրամասնութիւնները պիտի ներկայացուին հանրութեան։ Հանդիպումը նաեւ առիթ հանդիսացաւ արծարծելու լիբանանահայ մամուլը յուզող շարք մը մտահոգութիւններ։
ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
