«ԶԱՐԹՕՆՔ», ՊԷՅՐՈՒԹ – Իրանի արտաքին գործոց նախարար Մուհամմատ Ժաուատ Զարիֆը հրաժարական տուած է: «Արմէնփրես»-ի հաղորդմամբ՝ ան այդ մասին գրառում կատարած է Instagram-ի վրայ:
«Շնորհակալութիւն կը յայտնեմ Իրանի մեծահոգի եւ համարձակ ժողովուրդին ու իշխանութիւններուն վերջին 67 ամսուան համար: Ես անկեղծ ներողութիւն կը խնդրեմ ծառայութիւնը շարունակել չկարենալուս եւ աշխատանքի ընթացքին եղած բոլոր թերութիւններուս համար: Երջանիկ եղէ՛ք»,- գրած է Մուհամմատ Ժաուատ Զարիֆ: