«ԶԱՐԹՕՆՔ», ՊԷՅՐՈՒԹ – Հայաստանի Հանրապետութեան վարչապետ Նիկոլ Փաշինեան հեռախօսազրոյց ունեցած է Թուրքմենիստանի նախագահ Կուրպանկուլի Պերտիմուհամետովի հետ:
Ինչպէս կը հաղորդէ «Արմէնփրես»-ը, ՀՀ վարչապետի աշխատակազմի տեղեկատուութեան եւ հասարակայնութեան հետ կապերու վարչութենէն կը տեղեկացնեն, որ կողմերը քննարկած են Հայաստանի եւ Թուրքմենիստանի միջեւ տարբեր ոլորտներու մէջ գործակցութեան զարգացման ու ընդլայնման վերաբերող հարցեր:
Նիկոլ Փաշինեան եւ Կուրպանկուլի Պերտիմուհամետովը կարեւորած են առեւտրատնտեսական երկկողմ կապերու խթանման ուղղուած աշխատանքներու իրականացումը: Զրուցակիցները ընդգծած են հայ-թուրքմենական միջկառավարական յանձնաժողովի գործունէութեան աշխուժացման անհրաժեշտութիւնը:
