ՆՈՐ ՕՐ, ԼՈՍ ԱՆՃԵԼԸՍ.- Անցեալ Չորեքշաբթի, Փետրուար 6-ին, Կլենտէյլի Հայաստանի Հիւպատոսութեան մէջ տեղի ունեցաւ Ռամկավար Ազատական Կուսակցութեան Արեւմտեան Ամերիկայի Շրջանային վարչութեան պատուիրակութեան հանդիպումը Հայաստանի Հանրապետութեան Գլխաւոր հիւպատոս Դոկտ. Արմէն Բայբուրդեանին հետ։
Շնորհաւորելով այս պատասխանատու պաշտօնին նշանակուիլը, ՌԱԿ-ի ներկայացուցիչները բեղուն աշխատանք եւ յաջողութիւն մաղթած են Դոկտ. Բայբուրդեանին։
Անոնք արծարծած են համայնքային հարցեր, ինչպէս նաեւ Հայաստանի նոր կառավարութեան այսօրուան մարտահրաւէրները եւ անոր նոր ծրագիրները ԱՄՆ-ի եւ մասնաւորապէս Արեւմտեան ափի մէջ։
Հանդիպումը անցած է ջերմ եւ անմիջական մթնոլորտի մէջ։
