Փետրուար 22-ին` ժամը 19։00-ին, Շուշիի «Նարեկացի» արուեստի միութեան տան մէջ, պիտի կայանայ Երեւանի պետական երաժշտանոցի Գիւմրիի մասնաճիւղի տուտուկահարներու համերգը։
Այս մասին, ըստ Artsakhpress.am-ի, յայտնած է Շուշիի «Նարեկացի» արուեստի միութեան պատասխանատու Մարիամ Անդրէասեան՝ ընդգծելով, որ համերգին մուտքը ազատ է բոլոր փափաքողներուն համար:
Անոր խօսքով՝ ելոյթ պիտի ունենան երիտասարդ տուտուկահարներ Կարապետ Շաբոյեան, Գէորգ Յակոբեան, Արտիոմ Պատալեան, Աշոտ Գասպարեան, ինչպէս նաեւ տհոլահար Կարէն Սարգսեան: Ծրագիրով պիտի հնչեն դասական, ժողովրդական եւ ճազ կատարումներ։
