«ԶԱՐԹՕՆՔ», ՊԷՅՐՈՒԹ –Հռոմի Ֆրանչիսկոս պապը Փետրուար 3-ին եռօրեայ առաքելական ուղեւորութեան մեկնած է Արաբական Միացեալ Էմիրութիւններ. ան կ’ըլլայ Հռոմէակաթոլիկ եկեղեցւոյ առաջին հովուապետը, որ կ’այցելէ Արաբական թերակղզի, կը հաղորդէ «Արմէնփրես»-ը՝ վկայակոչելով «ՌԻԱ նովոսթի»-ն։
Ապու Տապի մեկնելէ մէկ ժամ առաջ, Վատիկանի մէջ կիրակնօրեայ աւանդական քարոզի ժամանակ ան ԱՄԷ իր այցը համարած է «կարճ, բայց կարեւոր ճամբորդութիւն»։ Այնուհետեւ Հռոմի Ֆրանչիսկոս պապը Թուիթըրի իր էջին վրայ գրած է. «Կը մեկնիմ Արաբական Միացեալ Էմիրութիւններ։ Այդ երկիրը կ’ուղեւորուիմ որպէս եղբայր, որպէսզի միասին գրենք երկխօսութեան էջ մը եւ միասին անցնինք խաղաղութեան արահետներով։ Աղօթեցէ՛ք ինծի համար»։
Այցը պիտի տեւէ մինչեւ Փետրուար 5՝ Ապու Տապիի թագաժառանգ, Շեյխ Մուհամմատ պին Զայետ Ալ Նահիանի հրաւէրով։ Այցին Հռոմի պապը կը մասնակցի «Մարդկային եղբայրութիւն» միջազգային միջկրօնական հանդիպումին։
