Թրքահայ Ուսուցչաց Հիմնարկը վերհրատարակեց Մխիթարեան Միաբանութեան վաստակաւոր ուսուցիչներէն Հայր Արիստակէս Վարդապետ Պօհճալեանի «Առձեռն բառարան»ը։
Հայր Արիստակէս Պօհճալեան այս աշխատասիրութիւնը առաջին անգամ հրատարակած էր 1975-ին Մխիթարեան Միաբանութեան հիմնադիր Մխիթար Սեբաստացիի ծննդեան 300-ամեակին առթիւ։
Պօհճալեան նման հրատարակութեան մը կարիքը նկատած էր, երբ կ՚աշխատակցէր Հայր Հմայեակ Համբարեանի մեծածաւալ եւ արժէքաւոր հայերէնէ հայերէն բառարանին։ Այն ատեն մտադրած էր աշակերտներու համար աւելի գործածական առձեռն բառարանի մը, որ մօտ 45 տարի է կը ծառայէ պոլսահայ դպրոցականներուն։
