«ԶԱՐԹՕՆՔ», ՊԷՅՐՈՒԹ – Խորհրդարանի քարտուղարութեան հանդիպումը կը նախատեսուի Չորեքշաբթի երեկոյեան՝նշանակելու օրէնսդրական նիստը: Այս մասին կը տեղեկանանք խորհրդարանի նախագահ Նապիհ Պըրրիի տեղեկատուական գրասենեակէն:
Խորհրդարանի քարտուղարութիւնը հանդիպումի հրաւիրելէ ետք, Պըրրի, ըստ «Ալ Նահար» օրաթերթի հրապարակած հաղորդումներուն, դիտել տուաւ, որ ինք չի կրնար չէզոք կանգնիլ եւ ամենայն պաղարիւնութեամբ ականատես դառնալ երկրի փլուզումին:
Խորհրդարանի ընդհանուր քարտուղար Ատնան Տահեր «The Daily Star»-ին յայտնեց, որ նիստի ժամանակացոյցը տակաւին անորոշ է: Ան աւելցուց, որ սա պիտի յստականայ Չորեքշաբթի, երբ որոշուին նիստի օրակարգի քննարկուելիք թեմաները:
Պըրրի Հանդիպումի Կը Հրաւիրէ Խորհրդարանի Քարտուղարութիւնը՝ Նշանակելու Օրէնսդրական Նիստը
