«ԶԱՐԹՕՆՔ», ՊԷՅՐՈՒԹ – Մատրիտի մէջ անժամկէտ գործադուլ յայտարարած թաքսի վարորդներու եւ ոստիկանութեան միջեւ բախումներու հետեւանքով տուժած է 14 հոգի: Ինչպէս կը հաղորդէ «Արմէնփրես»-ը՝ վկայակոչելով «ՌԻԱ նովոսթի»-ն, տուժածներէն տասը ցուցարարներ են, երեքը՝ ոստիկաններ:
Ցուցարարները իշխանութենէն կը պահանջեն կարգաւորել երկրի օրէնսդրութեան դրոյթները Uber եւ Cabify թաքսի ծառայութիւններուն վերաբերեալ:
Որոշ ցուցարարներ տեղեկացուցած են, որ հացադուլ պիտի սկսին: