«ԶԱՐԹՕՆՔ», ՊԷՅՐՈՒԹ – Վարչապետ Նիկոլ Փաշինեան Տաւոսի մէջ ընթացող Համաշխարհային տնտեսական համաժողովի ծիրէն ներս մասնակցած է Համաշխարհային տնտեսական առաջնորդներու «Աշխարհը համաշխարհայնացումի ժամանակաշրջանին» խորագրով ոչ պաշտօնական ճաշին: Միջոցառումին ելոյթներով հանդէս եկած են Համաշխարհային տնտեսական համաժողովի հիմնադիր եւ գործադիր նախագահ Քլաուս Շուապը ու ՄԱԿ-ի գլխաւոր քարտուղար Անթոնիօ Կութերեշը:
ՀՀ կառավարութեան տեղեկատուութեան եւ հասարակայնութեան հետ կապերու վարչութենէն կը տեղեկացնեն, որ Նիկոլ Փաշինեան մասնակցած է նաեւ Համաշխարհային տնտեսական առաջնորդներու ոչ պաշտօնական հաւաքին, որ տեղի ունեցած է «Եւրոպայի շրջադարձային պահը» խորագրի ներքոյ: Այս ծիրէն ներս զեկոյցներով հանդէս եկած են Սպանիոյ վարչապետ Փետրօ Սանչեսը եւ Գերմանիոյ պաշտպանութեան նախարար Ուրսուլա ֆոն տեր Լեյէն:
