Յունուար 30-ին Արամ Խաչատրեանի տուն-թանգարանին մէջ տեղի պիտի ունենայ ՀՀ ժողովրդական արուեստագէտ, սիրուած երաժշտահան Տիգրան Մանսուրեանին նուիրուած յոբելենական համերգ:
Երեկոյի ընթացքին պիտի հնչեն մաեստրոյի կամերային ստեղծագործութիւնները: Արամ Խաչատրեանի տուն-թանգարանի դիմատետրի էջէն կը տեղեկանանք, որ ելոյթ պիտի ունենան Խաչատրեան եռեակը (դաշնակահարուհի Արմինէ Գրիգորեան, ջութակահար Կարէն Շահգալդեան, թաւջութակահար Կարէն Քոչարեան), մեցցօ սոփրանօ Աննա Մայիլեան, ալտահար Մաքսիմ Նովիկովը եւ Արթուր Եղիազարեան (սոփրանօ սաքսոֆոն):
Մուտքն ազատ է:
Նշենք, որ յունուար 27-ին պիտի լրանայ մաեստրօ Մանսուրեանի 80-ամեակը:
