Շուշիի «Եզնիկ Մոզեան» արհեստագործական ուսումնարանը սկսած է գործել 6 տարի առաջ։ Անոր նպատակը Արցախի մէջ շինարարութեան աշխատողներու համար ուսումնական կեդրոնի ստեղծումն էր՝ ֆրանսական Սէնէ-Էթիէն քաղաքին մէջ գործող նմանատիպ ուսումնարանին օրինակով:
«RCF» ֆրանսիական ռատիոկայանի «Ուղեւորութիւն դէպի Հայաստան» («Voyage en Armռnie») հաղորդման ժամանակ, այս մասին, ըստ Artsakhpress.am-ի, ըսած է Շուշիի «Եզնիկ Մոզեան արհեստագործական ուսումնարան» հիմնադրամի հոգաբարձուներու խորհուրդի անդամ Ռոպերթ Այտապիրեան:
«Այս նախագիծը կեանքի կոչուած է բարի կամքի տէր մարդոց հաստատակամութեան շնորհիւ: Ուսումնարանի առաջընթացը այսօր ակնառու է, եւ մենք մեծ յոյսեր ունինք, որ ընկերային-տնտեսական առումով անիկա կարեւոր փոփոխութիւններ պիտի արձանագրէ Արցախի մէջ»,- նշած է Ռոպերթ Այտապիրեան՝ աւելցնելով, որ այս առումով առաջին հերթին կ՝օգտագործուի ֆրանսական առաջատար փորձը:
