«ԶԱՐԹՕՆՔ», ՊԷՅՐՈՒԹ – Խորհրդարանի նախագահ Նապիհ Պըրրի գնահատեց արտաքին գործոց նախարարի պաշտօնակատար Ժպրան Պասիլը՝ 1978-ին Ամալ շարժումի առաջնորդ Մուսա Սատրի՝ Լիպիոյ Հանրապետութիւն այցի ժամանակ անյայտ կորսուելուն կապակցութեամբ կատարած մեկնաբանութիւններուն համար:
Յիշեցնենք, որ Պըրրի եւ իր գլխաւորած Ամալ շարժումը, ամբողջովին դէմ են Լիբանան-Լիպիա յարաբերութիւններուն՝ իմամ Մուսա Սատրի՝ Մուամմար Կատաֆիի նախագահութեան օրօք Լիպիոյ Հանրապետութիւն այցի ժամանակ անյայտ կորսուելուն պատճառով:
«Որպէս պետութիւն՝ մենք ափսոսանք յայտնեցինք Լիպիոյ Հանրապետութեան՝ ընկերատնտեսական զարգացման գագաթնաժողովին բացակայութեան առթիւ,- ըսաւ Պասիլ,- սակայն սա չի նշանակեր, որ Լիպիոյ Հանրապետութիւնը լիովին ազատուած է իմամ Մուսա Սատրի ճակատագիրը պարզելու իր պարտականութիւններէն:
