«ԶԱՐԹՕՆՔ», ՊԷՅՐՈՒԹ – Նախագահ Միշէլ Աուն հանդիպում ունեցաւ Պոսնիոյ եւ Հերցեկովինայի արտաքին գործոց նախարարին հետ՝ կոչ ընելով խթանելու երկկողմ յարաբերութիւնները բոլոր մակարդակներուն վրայ:
Իկոր Ցրնատաքի հետ հանդիպումին Աուն կոչ ըրաւ նաեւ զարկ տալու երկկողմ զբօսաշրջութեան՝ հաշուի առնելով, որ ամէն տարի մօտ 7000 լիբանանցի կ’այցելէ Հերցեկովինայի Մետուկորիէ քաղաքը: Այս մասին կը հաղորդեն Լիբանանի նախագահի տեղեկատուական գրասենեակէն:
Սա Ցրնատաքի առաջին այցելութիւնն է Լիբանան: Այս առումով արտաքին գործոց նախարարը յոյս յայտնեց, որ այս այցելութիւնը կրնայ մեկնակէտ հանդիսանալ երկու երկիրներուն միջեւ նոր եւ արդիւնաւէտ գործակցութեան:
