«ԶԱՐԹՕՆՔ», ՊԷՅՐՈՒԹ – Հայաստան ապրող 2966 հնդիկներէն աւելի քան 1000-ը կացութեան կարգավիճակ ստացած է ուսումի հիմքով, իսկ մօտ 800-ը՝ աշխատանքի:
«Արմէնփրես»-ի հաղորդմամբ՝ այս մասին լրագրողներուն հետ զրոյցի ժամանակ ըսաւ ՀՀ տարածքային կառավարման եւ զարգացման նախարարութեան գաղթի ծառայութեան պետ Արմէն Ղազարեանը:
«2018 թուականի 9 ամսուան տուեալներով՝ ՀՀ մուտք գործած է 21061 հնդիկ, իսկ ելքը կազմած է 18095: Հետեւաբար մնացած է 2966 հոգի, եւ անոնցմէ մօտ 2000-ը Հայաստանի մէջ կացութեան վիճակ ստացած է: Մօտ 200 հոգիի վերաբերեալ կարելի չէ պնդել, որ անոնք անկանոն գաղթականներ են, քանի որ կրնան վաւեր անցագիրեր ունենալ, որով կը հիմնաւորուի իրենց կացութիւնը Հայաստանի տարածքին»,- նշեց Ղազարեանը:
Իր խօսքով՝ աճ կը նկատուի, որովհետեւ 2016 թուականին կացութեան կարգավիճակ ստացած է Հնդկաստանի Հանրապետութեան 1086 քաղաքացի, 2017 թուականին՝ 935 քաղաքացի:
